SHILLONG:
Hadien ba la sdang saphriang ka jingpang African Swine Flu (ASF) ki sniang bad ki la don ruh kiba ïap, ka tnad Animal Husbandry & Veterinary jong ka Meghalaya kam pat pynmih jingbthah ne jingmaham eiei.
Ka Animal Health Centre kaba don ha Khanapara hadien ka jingleh test ka la lap ba don ki sniang ba don ïa ka ASF na ki jaka ri bapher bapher kum na Pynursla, Nongkasen, Umsawniang bad ki bynta ka Ri Bhoi District, ha kaba ki la don 40 tylli ki sniang ba la ïap na kane ka jingpang khlam.
Kane ka la buh jingma ïa ki paidbah, hynrei ki bor sorkar kim pat pynmih jingmaham ne jingbthah eiei haduh kine ki sngi.
Ha ka 27 tarik u Ïaïong, ka Meghalaya Pig Farmer Association ka la leit ïakynduh ïa u Bah AL Hek ban ïaphylliew jingmut halor kane ka mat, hynrei ka la paw ba ka sorkar kam shym la leh eiei.
Ka seng ka la pynpaw ïa ka jingbynñiaw halor ka jingbym don ba shahshkor halor kane ka mat, khamtam eh ïa ki sniang kiba dangwanrah nabar sha ka jylla.
Hynriew ha Manipur, ka sorkar jylla ka la ai da ka hukum ban khang ïa ka jingwanrah ïa ki sniang na shabar jong ka jylla.
