MAWKYRWAT:
U Deputy Commissioner jong ka South West Khasi Hills District, Mawkyrwat u la pynbna paidbah kaba ba ka ophis u Director ka Higher and Technical Education, Meghalaya, Shillong ka khot aplikeshon na ka bynta ka 1. AICTE -Pragati Scholarship Scheme ïa kito ki khynnah kynthei kiba pule ha ka 1st year ne 2nd year ha ka Degree / Diploma course ha kano ma kano ka AICTE Institution kaba la ïoh jingmynjur ha kaba 2 ngut ki khynnah na ka juh ka ïing ki lah ban aplai. Ha kajuh ka por ki donkam ban ai ryngkat ka Income Certificate kaba la ai da ki bor kiba la ithuh kiba ka jingïoh kam dei ban palat ïa ka Rs 8.0 lak shisnem bad ïa ka scholarship yn pynthymmai na ka bynta u snem uba bud hadien ba ki la phah ïa ka renewal aplikeshon lyngba ka National Scholarship Portal bad ban phah ryngkat ka Promotion Certificate ba la ai da u khlieh duh jong kata ka jaka kaba ki pule. Ki khynnah ki bym shym la pass ne kiew klass kin duh ïa katei ka scholarship.
Shuh shuh la pyntip ba ka don sa ka 2. AICTE -Saksham Scholarship Scheme na ka bynta kito kiba don jingduna ha ki dkhot met kiba pule ha ka 1st year ne 2nd year Degree / Diploma course ha kano ma kano ka AICTE institution kaba la ïoh jingmynjur bad tang kito kiba ka jingduna ha ki dkhot met kam duna ïa ka 40 % ki lah ban aplai. Ha kajuh ka por ki donkam ban ai ryngkat ia ka Income Certificate kaba la ai da ki bor kiba la ithuh kiba ka jingïoh kam dei ban palat ïa ka Rs 8.0 lak shisnem bad ïa ka scholarship yn pynthymmai na ka bynta u snem u ba bud hadien ba ki la phah ïa ka renewal aplikeshon lyngba ka National Scholarship Portal bad ban phah ryngkat ka Promotion Certificate ba la ai da u khlieh duh jong kata ka jaka kaba ki pule. Ki khynnah ki bym shym la pass ne kiew klass kin duh ïa katei ka scholarship. Nangta ka don sa ka AICTE – Swanath Scholarship Scheme ( Degree & Diploma ) ha kaba ki nong aplai ki dei ban long ki khun swet lane iwei na ki kmie ki kpa ne baroh ar ngut ki kmie ki kpa ki khlad na ka Covid 19 lane ki khun jong ki Armed Forces bad Central Paramilitary Force kiba ïap ha ka jingïaleh bad kiba ka jingïoh kam dei ban palat ïa ka Rs 8.0 lak ha u snem ba ki aplai ryngkat ka Income Certificate ba la ai da ki bor ba la ithuh. Ki nongaplai ki dei ban long kiba pule ha ki AICTE institution kiba la ïoh jingmynjur ha ka Degree / Diploma Course ha ka 1st / 2nd / 3rd / 4th year bad ki nong aplai kim dei ban long kiba la ïoh ïa kawei na ki Central Govt . State Govt AICTE Sponsored Scholarship. Ki khynnah ki lah ban aplai online lyngba ka URL www.scholarships.gov.in bad ki aplikeshon form ba la print bad ba la dep pyndap ki lah ruh ban phah sha ka jaka kaba ki pule ryngkat bad ki kot ki sla kiba donkam bad yn pdiang tang ïa ki online aplikeshon bad yn ym pdiang ïa kito kiba leh offline.
