SHILLONG:
U Chief Executive Member (CEM) ka Khasi Hills Autonomous District Council (KHADC) u Bah Pynïaid Sing Syiem u la pynpaw ïa ka jingpyrshah jur halor ka jingbym burom jong ki katto katne tylli ki Bank ki bym burom ïa ka sngi burom u Kpa ki dak that Khasi u Thomas Jones.
Na ka liang jong nga u CEM nga sngew ban pynpaw ka jingsngewkhia halor ka khubor ba ki don katto katne ki Bank ki ba la plie ïa ki Bank jomng ki ha ka sngi ka 22 tarik Jylliew, ba long ka sngi shuti jong ka sorkar Jylla ïa ka ba ngi kynmaw burom ïa u Rev Thomas Jones, u ba dei u kpa jong ka ktien khasi ba la wanrah ïa ki dak thoh Khasi.
U la bynrap “Ka jingplie ïa ki jaka treikam ha ki bank ban treikam ha ka sngi shuti ban burom ïa une u riew khraw na ka liang ka KHADC ngi sngew ban pynpaw ïa ka jingpyrshah jur”.
Ula ong ruh ba na ka liang ka Council kan sa shimkhia ïa kane ka kam bad ka sorkar jylla ban pynthikna ba kum kine ki jingjia kim dei shuh ban jia ha ki sngi ban wan.
