SHILLONG:
Ka kynhun ki khlieh nongsynshar jong ka ka thaiñ Riwar, ka Federation of Riwar Mihngi Local Dorbars ka la ïakynduh ïa u Sub Divisional jong ka Pynursla bad kyntu ïa u ba ki shipai khappud Border Security Force, kiba dei ban peit ïa u pud u sam jong ka India ha ki bynta Bashathie jong ka Meghalaya kaba ïasyndar bad u pud u sam jong ka Bangladesh, ba kim dei ban pyndep ïa ki kam ba ki dei ban leh.
Kane ka kynhun ka la ban jur ïa u BDO ba u dei ba un peit ba ki BSF kim dei ban pynthud ïa ki shnong ki thaw ha kitei ki jaka khappud. Kane ka kynhun ka la ong ruh ba ka Sorkar ka dei ban buria na ka bynta ka jingshah siat ïap jong u Ronningstar Nongkynrih ha ki BSF. Ha kawei pat ka phang, kane ka kynhun ka la kyntu ruh ïa u BDO ba ka kompani kaba shna ïa ka surok hapdeng Shillong bad Tamabil ba kan siang rong noh naduh Pynursla road sha Nongshyrngan.
Ka Federation of Riwar Mihngi Local Dorbars ka la ong ruh ba ka Sorkar ka dei ban peit bha ba kan don ka jingsuk jingsaiñ bad ka jingshong shngaiñ ha kitei jaka. Kane ka kynhun ka la dawa ruh ba ka dei ban don ka jingtohkit kaba kyrang ha kaba ïadei bad ka jingjia ba dang shen ha Rngaiñ, kaba la wanrah ïa ka jingïap jong ki arngut ki briew. Kane ka kynhun ka la ïathuh ba kiba haïing hasem jong kitei ki arngut kiba la ïap ha katei ka jingjia, kim pat shym ïoh ïa ki baiburia ne compensation na ka Sorkar.
