SHILLONG:
Ka KSU Mawlai Mawïongrim Unit mynta ka sngi ka la beh ïa ki bar jylla kiba wan bylla ha Silicom bad ha Rymbai Filling Station bad MLP, naba kim lah ban pynbiang lane ban leit shim syrnod nong bylla (Work Permit) na ka tnad Labour.
Ha ka kyrwoh, ka seng ka la ong ba ka la pynlong ïa ka jingkhynra ïa ki nongbylla bar jylla kiba wan bylla ha katei ka shnong khlem kino kino ki kot ban pynshisha ïalade; nangno ki wan bad khlem ka syrnod ba thikna na ka tnad pulit jong ki shnong ba ki wan.
Ka seng ka la maham ïa baroh ki nongaikam (Contractor) ba ki dei ban ai kam shuwa ïa la ki paradoh parasnam bad lada kim ïoh, kim dei ban wanrah da ki jiw jiw, jaw jaw ki bym tip na ka jylla aïu ki wan bad ki dei ki briew kiba long kumno ha ka ïaid ka ïeng jong ki ha la shnong.
