TURA:
Ki pulit ka West Garo Hills bad ki kynhun shipai F/100 BN Border Security Force (BSF) ha ka 30 tarik Kyllalyngkot ki la ïoh kurup ïa 400 gram u drok ba shongdor haduh T.2 klur na lad Photamati hapoh ka Tikrikilla Police Station kaba hap ha ka 44 – Raksamgre Assembly konstitwensi.
La ïoh ban kem ïa uwei u briew uba kyrteng u Zakir Hussain 24 snem ka rta, khun jong u Abdul Rahim, na ka shnong Kusnimara PO/PS kaba don ha Mankachar, Dist – South Salmara. Une u briew u la wan na Goalpara, Assam sha Mankachar da ka jingthmu ban leit ai lane leit die ïa une u drok.
Nalor kane la ïoh kurup ka pisa ba T.12,47,630 lak ha baroh ki District bad la ïoh kurup ki tiar beaiñ bad ka jingtohkit ka dang ïaid shakhmat.
Ha ka jingpyntrei kam ïa ka Model Code of Conduct (MCC) la khang pyrshah bad la ïoh kurup ruh haduh 30000 Litres ki kyiad ba shongdor T. 1 klur, ka pisa kumba T.46 lak bad ki tiar ba khaii beaiñ.
