SHILLONG:
Mynta ka step phyrngab, kumba 84 tylli ki dukan ha Ïew Shyllong ha Laitumkhrah, kila ingkhong khait hadien ba la shah bam ha ka thylliej ding. Ka jingjulor ka long kaba jur bha na kane ka jingjia.
Katkum ka jingtip ba la ïohlum, ka jingjia ka lah ban dei na ka jingleh torti ka tnad sam bording ka MeECL.
La ïathuh ba kane ka la jia ha ka por kumba 4 baje eiei mynstep bad ka ding kaa bam lut ïa ka ïew bad ki mar ki mata, ki jhur ki jhep ki la ing lut baroh.
U Rangbah shnong ka Laitumkhrah u Bah Andrew Jyrwa u la ong ba ki nongshong ïew ki la dep ban pyntip ïa ka jingthud jong ka bor ilektrik sha ka MeECL, hynrei lah ban kdew ba katei ka tnat ka la shim sting bad ha ka jingbuh teng jong ka, mynta ka sngi kane ka ïew ka la ing lut.
Ka MLA jong ka East Shillong ka Kong Ampareen Lyngdoh ka la ong ba kan sa ïakynduh ïa u myntri rangbah mynta ka sngi ban ïakren halor kane ka jingjia.
Baroh kitei ki dukan kiba la don ha katei ka mala kila julor kiba kynthup ïa ki dukan jhur, dukan jaiñ bad kiwei.
Ka Kong Ampareen kala ong ka don ka jaka jong ka shnong ha katei ka jaka kin pynshna shipor ba kin ïoh ban sdang biang ïa ka kam bad kane kan shim por la kumno kumno 10 haduh 15 sngi.
La ïathuh ba ki briew jong ka Municipal bad na ka tnad pynlip ding kin shim ïa ka jingkheiñ katno ka jingduh.
