SHILLONG:
Ka tnad jingri jingdup jong ka Sorkar Meghalaya, mynta ka sngi ka la kyntait mardor ka ïa jingpynmih khubor jong kawei ka kot khubor na Shillong, ba ka la don ka jingïap jong uwei u briew na ka jingpang African Swine Fever ha West Khasi Hills District. Ka tnad jingri jingdup ka la ïathuh ba hadien ka jingpynlong ïa ka jingtohkit kaba bniah, ka la shem ba kam don kata ka jingïap briew na ka jingpang African Swine Fever ha ka shnong Tiehsaw ha ki thaiñ Nongstoiñ ha West Khasi Hills District.
“Katei ka khubor ka long kaba bakla, kaba khlem nongrim bad ka ym shym la pynshisha”, la ong ka tnad ka jingri jingdup. Ha ka khubor ba la pyllait da u Secretary ka tnad jingri jingdup, u Dr. Manjunatha C. u la ïathuh ba ka tnad jingri jingdup ka la lah ban pynthikna ba ka jingïap jong kitei ki sniang ki dei jong uwei u nongri sniang ha Tiehsaw, Nongstoin ha West Khasi Hills bad ka daw jong ka jingïap jong ki ka dei na ka jingpang Swine African Swine Fever.
Kitei ki sniang kiba la ïap baroh ki long 22 tylli bad ki dei ki jong utei u briew, uba dang im haduh mynta. Ka tnad jingri jingdup ka la pynshai ruh ba African Swine Ka jingpang African Swine Fever kam dei ka jingpang kaba ka saphriang na ki sniang sha ki briew bad ba kam dei kaba buh jingma ïa ka jingkoit jingkhiah jong ki briew.
