SHILLONG:
Wat la kam pat don kano kano ka kyrwoh ka ba la ïoh na ka liang ki shipai ha lor ka jingjia ha ka shnong Mawshun ,hynrei kat kum ki tyllong khubor ba la ïoh na ki BSF la ong ba kane ka jingjia ka la jia namar ba u nongñiah kane ka trok u thmu ban phet.
Ha ka juh ka por na ka liang ki bahaïing ki la bahaïing, ki la kyntait ïa ka jingkynnoh ba u bah Roning u kit ïa ki masi ban shalan beain sha Bangladesh.
Na ka liang ki bahaïing ki la ong ba u bah Roning Nongkynrih u kit ïa ki 6 tylli ki masi na kawei ka shnong ban leit ban buh sha kawei ka shnong ym ban khaïi beain” .
Lah ban kdew hangne ba uwei u nongñiah trok u ba la tip kyrteng kum u Roning Nongkynrih 34 snem ka rta u ba shong basah ha Nongkynrih Jalynteng, ha ka miet jong ka 5 tarik Jymmang u ba la shah siat ïap ha ki shipai Border Security Forces (BSF) ha ka surok Pynursla-Dawki hajan ka shnong Mawshun .
Kat kum ka tyllong khubor jong ka BSF la ïathuh ba “ki shipai ki ba ïaid pahara ha kane ka jaka ki la phah ban sangeh ïa u nongñiah kane ka trok hynrei u la thmu ban phet kumta ki la siat sha suiñ”halor kane ka jingjia na ka liang ki shipai BSF kin sa pynlait ïa ka kyrwoh jong ki”.
“Ïa ka jingtohkit halor kane ka jingjia na ka liang ki shipai BSF kin sa pynlong shen bad ïa ka kaiphot yn sa pyntip shen”l, a ong u heh shipai ka BSF.
Na ka liang ki bahaïing jong u bah Roning Nongkynrih , ha ka sngi saitjainñki la dep ban ujor da ka ejahar ,bad ki pulit ka Pynursla Police station ki la dep ban register ïa kane ka case ïa kane la ïathuh da u SP ka East Khasi Hills u bah S Nongtnger.
Kane ka jingjia ka la jia haka por 11 duna mynmiet, jong ka 5 tarik , bad na ka liang ki bahaïing ki la kynnoh ba ki shipai BSF ki siat ïap ïa u .
Mynta ka sngi ki pulit ki la wan ban pynkit noh ïa ka met ba sah jong u bah Ronning Nongkynrih sha Civil Hospital ba leh ïa kaba donkam bad ka jingtohkit halor kane ka dang ïaid shakhmat.
