SHILLONG:
Ka Hill State People’s Democratic Party (HSPDP) ka kyrpad ïa u Myntri Rangbah ka jylla u Conrad Sangma ban ïakren halor ka reservation policy hapoh ka Meghalaya Democratic Alliance (MDA).
U President ka seng u Bah KP Pangniang haba kren bad ki nongthoh khubor u la ong, “Ngin ïatai ïa kane ka mat halor ka reservation policy bad ki paralok MDA. Ngi kyntu ïa u Myntri Rangbah ban ai ka lad ba kin ïoh ban ïatai.”
U la bynrap da kaba ong ba ki ar ngut ki MLA jong ka seng kata u Bah Shakliar Warjri bad u Bah Methodius Dkhar kin rah ïa kane ka mat sha ka Sorkar.
Ha ka juh ka por u Nongïalam barim jing ka seng HDPDP u ba dei ruh u MDC ka Mawkynrew u Bah Martle Mukhim u la ong, “Kumba ka paw ka reservation policy ka don ki bynta kiba duna. Ka seng ka sngew ba ka dei ban peit bniah biang, ka shong ha ka sorkar ban thaw da ka komiti ba kyrpang jong ki stad aiñ ban pynbha ïa ka reservation policy.”
U la bynrap ba ka jingmih jong kine kiei kiei ha ka jylla, ha kaba ki ba bun balang ki pynpaw ba ka don ka jingduna ha ka reservation policy. Ka seng ka buh ïa kane ka mat hapoh ka manifesto jong ka.
U la pynkynmaw ruh ïa kaei ka jingmut kaba u Nongïalam ba mynshuwa u ba la bam kwai ha dwar u Blei u Bah Hoping Stone Lyngdoh’s u ba la dawa noh ban don la ka jong ka jylla la kajong kata ka Khasi-Jaintia state ban ïaphia noh bad ka Garo Hills, u President ka HSPDP u la bynrap da kaba ong ba u Bah Lyngdoh u la kyntu ïa ki paidbah kiba dei ki Nongïalam jong ka seng ban ïeng skhem bad lyngba kane ki jingeh kum kane ka bhah kam bah jam kin lait, bad ka jing pynrung ïa ka ktien Khasi ha ka kyrnit ba phra, ki mat kiba dei bad ka jaka bad ki wei kiwei.
“Ka Khasi-Jaintia state kan dei tang ma ka kaban lait na kine kiei kiei baroh khamtam ïa ki Khasi bad Jaintia,” u la ong.
