MAWKYRWAT:
Ka Ranikor Konstitwensi South West Khasi Hills District ha kine sngi kala don shibun ki jingkylla ha kaba ïa dei bad ki kam pynroi hapoh ka Konstitwensi kata ha jinglong MLA u Bah Pius Marweiñ ha kaba ïa dei bad ki skhim Sorkar kiba dep ban trei bad kiba dang ïaid shakhmat ha kaba la sakhi mynta ka sngi ka 30 tarik u Naiwieng 2023. U symbud Myntri Rangbah ka jylla, u Bah Prestone Tynsong u ba dei ruh u Myntri jong ka tnad PWD Road jong ka sorkar jylla u la Voh ban plie Va u Mawnongrim jong ka Surok Intermediate Road na Lailad sha Borsohra kaba don kumba 6.4 kms ha ka mang tyngka kaba T.18 Klur ba la bei pisa kyrpang lyngba ka “Special Assistance to states for capital Investment 2022- 23 ” jong ka Sorkar jylla.
Ha kane ka sngi la ïa don lang u Bah Pius Marweiñ uba dei u MLA ka Ranikor Konstitwensi, u Bah Ollan Sing Suiñ, u MLA ka Mawsynram, u Bah K.K. Mawa, u Chief Engineer PWD Roads Meghalaya, u Bah T. Lyngwa uba dei u Deputy Commissioner SWKHD, u S.M.A Razi u IRTS Comissioner & Secretary PWD Government of Meghalaya bad kiwei kiwei de ki ophisar sorkar.
Ha kane ka sngi ka la long shisha ka jing sah jing kynmaw bad ka jing kyrkhu ïa ki paidbah bad ïa ka jylla hi baroh ka wei namar ba kane ka surok ka dei kawei ka surok kaba pynmih ruh ïa ka Revenue ïa ka sorkar jylla, namar ha ki por ba mynshwa kane ka surok ka long kaba sniew bad ki paidbah bunsien ki shem jingeh ha ka leit ka wan bad ka jingïoh ban siang rong ïa kane ka surok Borsohra ka la long shisha ka jingkyrkhu ïa ki nongshong shnong bad ïa ki paidbah kiba pyndonkam lyngba kane ka surok.
Haba ai jingkren ha kane ka sngi, u Bah Prestone Tynsong u la ai ka jingkyntu ïa ki paidbah ba kim dei ban long ki dieng pynkiang lada wanrah ïa ka roi ka par ha ka shnong ha thaw bad ki dei ban ïatrei lang bad ka sorkar.
