MAWKYRWAT:
Ka party United Democractic Party UDP Mawkyrwat Circle ha ka 30 tarik u Jymmang ki la pynlong ka jing ïalang ba kyrkieh ha ophis jong ka party ha Mawkyrwat South West Khasi Hills District halor ban ïa sngewthuh jingmut lang na ka bynta ban wanrah ban pynthymmai noh ïa ka Reservation Policy hapoh ka jylla.
Na ka liang u Bah Jes Nongsiej Vice president jong ka UDP Mawkyrwat Circle u la pynshai ha ki lad pathai khubor ba ha kane ka jing ïalang jong ka UDP Mawkyrwat Circle ki la ïa rai ban ai jing kyrshan ba pura ban pyn kylla ne ban pynthymmai noh ïa ka Reservation policy.
Shuh shuh u la omg ruh ba kum ka Party UDP kala buh ha khmat haka Manesfasto jong ka party ban khot ïa baroh ki political party ban lum ban lang ban ïa kren halor kane ka phang ban pynthymmai ban khot ïa kren halor ka Reservation policy bad ngeit skhem ha kine ki khyndiat sngi bannwan na ka liang ka sorkar kan sa shimkhia halor kane ka bynta shuh shuh kumba ha ki por election naka liang ka party UDP ka ju kren ruh ha ki paidbah halor kane ka bynta kaba donkam tam naka bynta ki khun ki kti ki jong ngi kumba kila buh ha khmat ïa kane ka Reservation policy mynta ka kynti ruh kum ka party UDP Mawkyrwat Circle ha ryngkat bad u MLA bah Renikton L.Tongkhar kila ïa rai kat ba jia ki la mynjur lang ban kyrshan pynthymmai noh ïa kane ka rukom thungkam thungjam happoh ka jylla namar ba kane ka dei hi ka jingmyntoi ym tang ha ka mynta khamtam ïa ka lashai ka ban sawan ong u bah Jes Nongsiej Vice president jong ka UDP Mawkyrwat Circle.
Ha kane ka jing ïalang jong ka UDP Mawkyrwat Circle la ïa donlang ruh u bah Renikton L.Tongkhar MLA ka Mawkyrwat ki nongkitkam jongka Party UDP Mawkyrwat bad ki paidbah.
