SHILLONG:
Na ka bynta ban rakhe ïa ka jingdap 13 snem jong ka Entrepreneurship Development Cell (EDC) jong ka Shillong College, la dep pynlong da ka jingïalang ba nyngkong jong ki nongseng kam lajong ha katei ka College ha ka jingïatreilang bad ka PRIME Meghalaya.
Ha ki 13 snem ba la dep, ka EDC jong ka College, ka la ïarap shibun ki nongseng kam lajong na kane ka jylla lem bad ka syrnod ba la pyndep ïa ka jingai jinghikai haduh lai bnai.
La pynlong ïa katei ka jingïalang jong ki nongseng kam lajong na ka bynta ban pynkup burom ïa ki nongseng kam lajong kiba la ïaid shaphrang ha ka kam jong ki na ki Start-up jong ki bad ba ka kam jong ki, ka la ïaid shakhmat ha ki kompeni jong ki ha ki snem ba la dep.
U Chief secretary, u D P Wahlang u la don bynta ha katei ka prokram kum u chief guest bad ka Kong Isawanda Laloo, Executive Director, MBMA & PRIME ka dei ka nongshah khot sngewbha lem bad ka Dr. E Kharkongor, Principal, Shillong College, ki nongtrei bad kiwei kiwei.
La don haduh phra ngut ki nongseng kam lajong na ka certificate course, kiba la ithuh bad ki ka shah pynkup burom lem bad ki nongshem jong kane ka Cell.
Katba ka website ba la tip kum ka earthmovingsolutions.in, ka dei kaba la shem da u nongseng kam lajong, u Nishant Suchiang, la pyni ha kane ka prokram.
