SHILLONG:
U Myntri ka tnad Animal Husbandry and Veterinary u bah Alexander L Hek,u la pyntip ba na ka liang jong ka tnad ka la shim khia bha ban tehlakam ia ka jingsaphriang jong ka jingpang Lumpy Skin Disease (LSD) ha ka jylla bad haduh mynta kam shem la don kano kano ka jingujor halor ka jingiohpang thymmai ki masi na kane ka jingpang.
Ha ba kren sha ki ladpathai khubor u bah Hek u la ong “ka tnad ka khlem ioh shuh kano kano ka jingujor halor ka jingiohpang LSD thymmai ki masi ha ka jylla bad na ka liang ki nongtrei ka tnad ki la shim ia ki sienjam ban tehlakam ia kane ka jingpang ha ka jylla”.
Ha ba kylli katno ka long shngian ban bam dohmasi, u Myntri u la ong ban bam bad dih ia ka dud ka la long ka ba shngain namar ia ka ne ka jingpang la lah ban tehlakam.
Ha ka kylli halor ka jingpang sniang, u la ong haduh mynta kam shem la don shuh kano kano ka jingujor halor ka jingpang African Swine Flu (ASF) ha ka jylla.
Ha ka ba iadei bad ka jinglap Formalin ha ki dohkha u Myntri u la ong ba ka jingtest ia ju dohkha la pynlong ha baroh ki iew die dohkha bad kam shem la don shuh kano kano ka jingujor ban lap formalin.
