GUWAHATI :
Ka Women Entrepreneur Network Manipur (WEMN), Women Entrepreneur Network Nagaland (WENN) bad ka GIZ India’s Project Her & Now ka la pyllait ïa ka kot graphic novel ba la tip kyrteng kum ka ‘WE Mean Business – 20 Women Entrepreneurs, 20 Stories’ ha ka ktien phareng bad ha ka ktien hindi – “Mera Business, Meri Kahaani” ha ka jaka lehkai kynjat bol KAGO kaba don ha Imphal bad Chumoukedima, Nagaland. Hadien ba la pyllait ïa katei ka kot la pynbud ruh da ka ïew jong ki nongseng kam lajong jong ka WENN.
Kane ka kot ka long ka jingrakhe na ka bynta ki kynthei kiba seng kam lajong ha India bad ka dei kaba la thoh shaphang ki arphew ngut ki kynthei kiba long ki nongai mynsiem ha ka jingseng kam lajong na kylleng ki jaka ka ri India. Ha ka jingkren hapdeng ba la pyllait ïa kane ka kot, ki nongthoh ba kynthup ïa ka Vishwajyoti Ghosh, Shrutika Mathur, bad ka Nishtha Vadehra ki la ong, “Kane ka dei ka kot shaphang ka jingïakren bad ki kynthei kiba seng kam lajong kiba ïalam ïangi sha ka pyrthei bad ka jingïaid lynti jong ki. Ha manla ki khana jong kane ka kot ki don la kajong kajong ka jingpynpaw ha ka jingmad ki jingtynjuh kiba ïasyrïem ha ki jingjia kiba phe ba kin kyndit bynriew bad ïoh mynsiem halor ka jinglah ba kotbor ban pynurlong la ka jong ka jingthmu.
Hadien na ka jingai jingkren da ka dkhot jong ka WEMN ka Swati Thounaojam, kaba long ka nongseng ïa ka White Lotus, ka la ong “kum ka shlem treikam, ka thong jong ka WEMN ka dei ban thawlad halor ka jinglong jan ka rukom long ka sawdong sawkun na ka bynta ki kynthei kiba sengkam lajong ha Manipur. Kane ka prokram ka long ka jingrakhe naka bynta baroh ki kynthei kiba sengkam lajong, ka jingïapher ha ka jingïaid lynti jong ki, ka kam ba ki ïakynduh bad ka thong ba ki don. Ngi kwah ban dang bteng kum kine ki prokram ha kine ki thaiñ bad nangpynïar ki shnat treikam jongngi”.
Ka Project Her&Now ka dei kaba la thaw ki lad ki lynti ban ailad ïa ki kynthei ba kin sengkam lajong ha ka ri India naduh u snem 2018. Kane ka mat pyntreikam ka dei kaba la ai jingkyrshan ïa ki 900 ngut ki nongseng kam lajong ha ki nongbah lyngba ka Tier II bad III ka ri India. Ki kynthei kiba paw ha kane ka kot ki dei na ki jaka jongka Thaiñ Shatei Lam Mihngi ka ri India, Rajasthan, Uttar Pradesh, Maharashtra, bad Telangana, bad kiba bun jait ki kam bad ki jingpynpaw kiba ïapher kawei na kawei pat, kiba la pynpaw ha ka rukom kaba kham pher bad kham janai. Ïa kane ka kot phi lah ban ïoh lyngba ka jingthied online na Amazon bad Flipkart bad kumjuh ruh kiwei de ki dukan die kot kiba don kylleng ka ri India. Ïa kane ka kot la pynmih da ka GIZ, ha ka jingïatreilang bad ka Yoda Press.
