MAIRANG:
Uwei u Rangbah briew uba la tip kyrteng kum u bah Sumarlang Lyngdoh Nonglait uba dei u khun jong u bah Jwin Marbaniang uba shong ba sah ha ka shnong Nongthymmai Maroid jong ka Eastern West Khasi Hills District ula jah noh ha ka miet jong ka 16 tarik u bnai Lber 2023 katba u dang mih ban leit khwai dohkha sha ka wah Kyrshoh Armari bad la u hymmen uba tip kyrteng kum u bah Tomarlang Lyngdoh Nonglait ha kaba ki la mih naduh ka por 7 baje mynstep bad haduh ban da la dum la ong ba utei u Rangbah u khlem wanphai shuh bad dei ha ka janmiet jong ka 17 tarik u bnai Lber ha ka por 4 baje janmiet la lah ban lap ïa ka met jong utei u rangbah kaba la per ha katei ka wah bad hadien ba la lap na ka liang jong u Sordar ka shnong ula pyntip noh mar mar sha ki pulit.
Na ka liang jong ki pulit ki la leit mar mar sha katei ka jaka ban leit shimti noh ïa katei ka met jong utei u rangbah ban leh ïa ka post mortem bad hadien ba la dep ban leh ïa ka post mortem, la ong ba ka jingiap jong utei u rangbah ka dei na ka daw ba ngam jyllop hapoh katei ka wah.
