SHILLONG:
Ki nongshong shnong ka Raid Laban ki la par ñiang khriat hadien ba kila lap ïaka met uwei u rangbah uba la sdien phasi ïalade ha khlaw Manik ka lynti ban kiew sha Upper Lumparing ha ka 19 tarik Risaw 2022.
Ïa katei ka met la lap nyngkong eh da uwei u khynnah jong katei ka dong. Ynda ki bahaïing bahasem ki la wan ban peit ïa katei ka met ki la kubur ba u dei u doh u snam jong ki hynrei ym lah ban pynpaw satia ïa ka kyrteng katkum ka jingkyrpad na ka bahaïing ka sem jong u tei u rangbah.
La wan ban shimti noh ïa kane ka met da ki pulit jong ka Laban bad la pynkit noh ïa katei ka met sha Civil hospital Shillong ban leh ïa kaba donkam.
