MAWKYRWAT:
Ha kawei ka jingjia ba sngewsih, ha kaba la lap ïa ka metïap jong uwei u briew kaba la thiah ha ka ïew ha Mawkyrwat ha ka 5 tarik, Nohprah.
Ïa utei uba ïap, la ithuh ïa u kum u Tyngshainlang L. Marshillong (30) uba na Pyndenspar, Jakrem.
Katba ïa ka met jong u, la pynlong da ka jingtohkit bad la rah noh sha CH, Mawkyrwat na ka bynta ban pyndep ïa ka post-mortem.
Haba la kylli sha ki bahaïing jong uba khlad noh, la ong ba ka kmie jong u ka la ïathuh ba u la dih bun ka kyiad ha kine ki sngi ba la dep bad khlem bam eiei naduh ka 2 tarik, Nohprah. U la mih na ïing ha ka janmiet jong ka sngi nygnkong bad la ïohi khatduh ïa u ha katei ka ïew ha ka sngi ba ar ha ka por 11 baje ha ka jingbym tip briew, katkum ka jingïathuh na ki pulit.
