SHILLONG:
U Myntri rangbah ka jylla, u Conrad K Sangma, myn ha ka 4 tarik, Nohprah, u la pynlong da ka jingïlang bad ki heh jong ka NHIDCL, Deputy Commissioners, baroh ki tnad ba dei peit bad ki kontraktor ban khmih ïa ki projek ba dang ïaid ba la sdang da ka NHIDCL hapoh kane ka jylla Meghalaya.
Haba kren sha ki lad pathai khubor, u MR u la pyntip ba ki kontraktor ki la shah bthah kam ban ai por ban pyndep ïa kine ki projek bad ban ïakren halor kino kino ki mat bad ki DC bad ki Department.
Ha ka jingbiang ban tei ïing ha kane ka por tlang, ki heh ba dei peit ki la ïoh jingkyrpad ba kin shna la ki jong ki momentum bad pynthikna ba dei ban pyndep ïa ki projek ha ka por ba biang.
“Ngi la dep peit lut ïa ki projek ba kongsan kiba la sdang da ka NHIDCL hapoh ka jingïalang bad kyrmen ba kito ki projek kin seisoh bad pyndep ha ka por ba la buh,” ong u Sangma.
Haba la kylli shaphang ki jingeh ba ka sorkar ka mad ban sdang tei ïa kum kine ki projek, u Sangma u la ong ba la don ki jait jingeh bapher bapher kum ka jingshim ïa ka jaka, pynkhuid ïa ki khlaw ki btab, ka jingpynkynriah ïa ki tiar ki tar bad kiwei kiwei kiba la sorkar ka dang pyrshang ban ïakren.
