SHILLONG:
Ka jingleit khynra kaba kyndit kyndit ba la lam khmat da u Chief Executive Member jong ka KHADC, u Pynïaid Sing Syiem ha ka 15 tarik, Nailur, ha ka jingïadon lang jong u Alvin Sawkmie ba dei u MDC bad kiwei kiwei ki heh ophisar jong ka KHADC. Ha ka por ba don katei ka jingkhynra, ka KHADC ka la lap ba la don palat 40 tylli ki jingtei khlem lisen ne Trading Licence ne Labour Licence na ka bynta ki nongtrei ba tang ha Byrnihat.
Ka KHADC ka la pynduh pyndam noh ïa katei ka jingtei lem bad ka jingpynbna ban pynbiang ïa ki jingdonkam jong ki kot ki sla hapoh shi taïew, lada pulom ban leh ïa katei, yn nym shah ïa ki ba kin dang ïoh plie biang ïa ki dukan tad haduh ban la pynbiang lut ki kot ki sla. Baroh ki jingtei ha Mawsmai bad ha ki jaka ha Khanapara, la dep ban tei khlem kot khlem sla bad don na ki, kiba la kut noh ka por bad yn shym la pynthymmai biang.
Utei u CEM u la hukum ïa ka Enforcement ban pyndep lut ki kam ki jam hapoh shi taïew, hynrei lada don kino kino kiba la leh klet ïa katei ka jingpynbna bad ka order ba la pynmih da ka KHADC, yn khang khyrdep ïa ki dukan.
