SHILLONG:
Ki nongïalam ka Balang Presbyterian Nongthymmai kaba hap ha ka Umsning konstitwensi ha ryngkat u MLA barim u Bah Jason Sawkmie Mawlong ki lawan ban ïakynduh ïa u Symbud Myntri Rangbah ka Jylla u Bah Prestone Tynsong ha kane ka jingïakynduh ka jong ki la pynsngew ruh ha khmat jong u ïa ki jingdonkam naka bynta ban maramot ïa ki lynti synkien ban pynbiang ïa ki bording electric khamtam eh ïa ka umbam umdih kaban long ka jingpynkhreh naka bynta ka Synod ba arphew hynriew (26) ka ban long ha katei ka shnong ha ka 14 haduh 17 tarik u bnai March 2024
Na ka liang ki nong ïalam ka Balang Presbyterian Nongthymmai ki la pynpaw ka jingsngew hun hadien ba ki la dep ban ïakynduh ïa u Bah Prestone, ha kaba na ka liang jong u un sa phah ïa ki Engineer ban leh ïa kaba donkam baroh bad shen yn sa pyntrei noh ïa ki kam shait shait khnang ba ka jing pynkhreh ïa ka Synod kan long ka bajop bad ka ba phuh ba phieng.