SHILLONG:
U Archbishop jong ka Jylla Niambah Shillong ka Balang Katholik, u Archbishop Victor Lyngdoh, hynnin ka sngi ba la pyllong ia ka jingiaid proseshon Eukharist, hadien ka jingpynlong ia ka knia ka khriam Mass Badkhuid u la pynbna ba ka la don ka jingpynlait paidbah ia ka kot “U Archbishop Hybert D’Rosario, SDB.
Ia kane ka jingknia Mass Bakhuid la pyllong ha khmat jong ka Iingmanebah “Ka Maria Nongiarap Ki Khristan” ha Kalbari, Laitumkhrah Shillong. Ia kane ka kot ba la ai kyrteng, “U Archbishop D’ Rosario la thoh da u Fr. Sebastian Karotemprel, SDB bad pynwan sha ka ktien Khasi da ka Sister Martha Masynting VSDB.
U nongthoh jong kane ka kot u Fr. Sebastian Karotemprel u la ong ba u Archbishop Hubert D’ Rosario u la pyniasnoh ia la ka jong ka jingim shitylli bad ki kam mishon ka Balang Shatei Lam Mihngi jong ka ri India. U la ong ba um don kiwei pat ki jingsgnewtynnad ne jingtyrwa. U la ieh shadien ia ka peteng mishonary bakhraw kaba ia syriem ia ka jingim jong u Francis Sebiar Bakhuid, u Fr. Constant Lievens S.J. bad Bishop Anastasius Hartmann, OFMM Cap.
“Ngin shem ha kine ki sla jingthoh ia ka jingiar ka kam mishon ba ula trei. Kum u Paulus, u iasnoh ialade bad ki kam mishon. Yn jyn da la dei ban thoh maw kynmaw ha la ka jingim kumba la leh u Paulus, “Ia nga ban im ka long u Khrist”. Ha ka jingpynmih ia kane ka kot, la nohsynniang ruh ba katto katne ngut ki nongthoh.
