NONGSTOIÑ:
U Bah Golden Nonglong, ha ka 28 tarik Jylliew u la pynbna ba u la mih noh na ka seng Congress ha kaba u la dep phah ruh ïa ka shithi iehnoh kam sha u President Rangbah ka seng Congress u Bah Vincent H Pala.
U Bah Golden u dei uba la bat ïa ka kam Vice President ka All India Professionals’ Congress Meghalaya, bad kum u Secretary ka Meghalaya Pradesh Congress Committee, bad u la ïakhun ruh ïa ka elekshon MLA kaba dang shu dep na Rambrai Jyrngam konstitwensi.
Haba kren sha ki lad pathai khubor ha ka ïingsah jong u kaba don ha Nongstoiñ, u la ong ba ka jingmih noh jong u na ka seng Congress ka dei namar ka jingbym sngewtynnad ïa ka rai jong ka seng kaba la ailad ïa ki MDC ban ïatreilang bad ka National People’s Party (NPP) hapoh Khasi Hills Autonomous District Council (KHADC).
