NONGSTOIÑ:
Lai ngut ki khynnah skul ha ryngkat u nongñiah ki la mynsaw jur hadien ba ka kali Bolero kaba ki shong ka la shah rat ha ka trok 12 shaka.
Katei ka jingjia ka la jia mynta ka step ha ka por kumba 9:15 AM, ha kawei na ki jaka kaba la tip kum ka Mawpon kaba hap ha ka shnong Mawlangdep kaba don ha surok bah Nongstoiñ-Shallang.
Katkum ka jingïathuh ki paidbah, la ong ba katei ka Bolero ka dei kaba wan na Tiniang, da ka jingthmu ban leit buh ïa ki khynnah ba thoh eksamin ha Mawlangdep, hynrei mar ïa poi ha katei ka jaka, ka la shah rat noh ha katei ka trok.
Ïa kitei kiba mynsaw la pynkit noh wut wut sha Civil Hospital Nongstoiñ ban ïoh ïa ka jingsumar kaba kyrkieh, katba u nongñiah jong katei ka trok u la phet krad na katei ka jaka.
