SHILLONG:
Ka jingpynbeit ïa u pud u sam ka dei ka wei na ki mat kiba ka sorkar MDA-I kala mait phang, bad hadien ba kane ka sorkar ka la shimti biang ïa u lakam synshar, ka la sdang ban buddien bad ïaken ruh na ka bynta ka wat kaba ar kaba na ka liang ka sorkar Meghalaya ka la thung ruh ïa ki Regional Committee kiba la khlieh da ki Myntri Sorkar.
Haba ïakren halor ka jingpynbiet pud bad ka sorkar Assam, na ka liang u Myntri Rangbah ka jylla u Conrad Sangma u la ïathuh ba u la ïakren bad u Myntri Rangbah ka Assam u Himanta Biswa Sarma halor kane.
“Ngi khmih lynti ba ha une u bnai Jymmang kan don ka jingïakren ha ka sien kaba nyngkong halor ka jingïapynbeit pud bad ka Jylla Assam,” u la ong.
U la bynrap da kaba ong, “Namar ngi don ha ka jingïasngewthuh jingmut bad ba ngi ïakren mar khmat ngin lah ban pynbeit ïa ka Tarik bad mar sien dep ban buh ïa ki tarik kin sa peit kumno ban ïaid sha khmat.”
