SHILLONG:
U Symbud Myntri Rangbah ka jylla, u ba dei ruh ban peit ïa ka tnad kampohïing ha ka jylla u la ong ba ïa ki kam ba lait hapoh ka tnad pulit yn sa pyndap noh mynta u snem.
Ha ba kren bad ki lad pathai khubor u Bah Prestone u la ong ba ka dei ka jingshisha ba ki bor pulit ki duna ha ka jylla hynrei ka tnad kan ïaleh ban pyndap noh ïa kine ki kam pulit ki ba dang lait mynta u snem.
“Na ka bynta ki 1000 tylli ki post ka tnad kan sa pynlong ïa ka personal interview ha ki 4-5 sngi ban wan hynrei da dep nang ne ka tnad kan sa pynmih biang ïa ka jingpynbna na ka bynta kiwei pat ki kam ba lait ha kane ka tnad”, u la ong.
“Ka tnad kan sa pynlait ïa ka jingpynbna laitkam sa na ka bynat ki 1500 tylli ki post ki ba donkam ha ka tnad pulit bad ïa kane ruh yn sa leh noh shen bad nga thikna ba ka jingduna ïa ki bor pulit yn sa lah ban pyndap noh mynta hapoh shisnem”, u la bynrap.
