NONGPOH:
Ki Pulit Ri Bhoi ha ryngkat ka jingïatreilang bad ki Pulit ka Umsning Police Station, ha ka 16 tarik Rymphang ha ka por 8 baje eiei mynmiet ki la ioh kem ïa uwei u briew ba thmu ban shalan tuh ïa u drok na Guwahati sha Nongbah Shillong.
Katei ka jingïohkem ki Pulit ïa utei u briew uba la tip kum u Anup Sen na Laban Shillong, ka dei hadien ba ki la ïoh ïa ka jingtip kaba biang halor ka jingdon u briew uba la thmu ban shalan drok na Guwahati sha Shillong, kumta haba ki Pulit ki la pynap shrip ha Umsning, ki pulit ki la ioh ban bat ïa kawei ka Tourist Sumo kaba don ïa u Number ML 05-S-6642 bad haba ki la talasi ïa katei ka kali, ki la talasi ia katei ka kali, ki pulit ki la ioh ban kurup 2 tylli ki synduk ba la song ïa u drok ryngkat ka pisa kaba T. 10880.
Hadien ba la kem, ki ki la tohkit ruh ban pynshisha ïa u drok lyngba ka NDPS kit bad katkum ka jingpynshisha da katei ka kor ka bor la tip ba u dei uta u drok heroin uba don ka jingkhia 22.34 gram.
