SHILLONG:
Kat kum ka jingpyntip jong ka Ïingkashari Meghalaya High Court, ka Harijan Panchayat Committee (HPC), ka la pdiang ïa ka blue print jong ka sorkar, hynrei ka kwah ba ka sorkar kan pdiang ïa ki katto katne tylli ki jingaijingmut na ka.
Ha ka hukum bala pynmih da ka Ïingbishar, ka Division Bench ka Ïingkashari Meghalaya High Court, bala khlieh da u Chief Justice Sanjib Banerjee bad Justice W Diengdoh ka la ïathuh ba ka Harijan Panchayat Committee ka la mynjur ïa ka Blueprint jong ka sorkar .“U Advocate General u la pyntip ba ka Harijan Panchayat Committee kala mynjur ïa ka blueprint ba la pynkhreh da ka Sorkar jylla hynrei kala buh ïa ki jingai jingmut ban pynkylla ïa katto katne ki bynta jong ka”.
Ka Ïingkashari ka la ong ruh, “Namar ba ki dang donkam ban khmih ïa kine ki jingai jingmut ban pynkylla, kumta ai ba kane ka kam kan wan biang sha ka jingbishar hadien lai taïew bad la kyrmen ruh ba ki kynhun mamla kin pynbeit noh ïa kane ka kam ba sahteng bad lah ban pynkut noh shisyndon ïa kine ki kam”.
Ka Iingkashari ka la buh ban shong bishar biang ïa kane ka mukotduma ha ka 3 tarik u Naitung, 2023.
Lah ban kdew hangne ba ha ka 25 tarik u Ïaïong 2022, ka sorkar jylla ka la phah ïa ka blueprint ban pynkynriah ïa ki 342 tylli ki longing jong ka jaitbynriew Harijan na ThemiewMawlong sha ka jaka jong ka Shillong Municipal Board (SMB).
Ha ka ba ïadei bad ka ne,ka Sorkar ka la rai ban pynshna da ki ïing bun mala ha ka jaka ba heh 2.5 akar ,ha Cotton Bishop Road ka jaka ba don ka ophis Shillong Municipal Board (SMB) katba na ka liang ka HPC ban kynriah noh ïa ki na Them Ïew Mawlong ka , ka la pan na ka sorkar 200 square meter ka jaka na ka bynta kawei pa kawei ka longïing, ban ai bai shna ing shaki, ban ai jaka ïa ki hapoh ka European Ward.
