SHILLONG:
Ka Khasi Hills Autonomous District Council ka la pdiang ïa ka jingbuh ïa ka Khasi Traditional Medicine Commission. Kat kum ka kaiphod ba la pynkhreh da ka Executive Committee bad wanrah da u Chief Executive Member ka KHADC, u Bah Pyniaid Sing Syiem ha ka sngi ba nyngkong jong ka Dorbar Tlang jong ka Council, ïa kane ka Commission la ithuh da ka KHADC (Protection and Promotion of Khasi Traditional Medicine) Act, 2011.
Ïa kane ka Commission kaba don 12 ngut ki dkhot yn khlieh da u Chief Executive Member jong ka KHADC kum u Shnongknor bad u Secretary jong ka Executive Committee, u Bah A. Nonghuloo kum u Secretary. Kiwei pat ki dkhot jong ka Commission kin long ki saw ngut ki stad nongai dawai kynbat bapawkhmat, kum u Dr D.L. Nongspung, Dr Alka Kharsati, Dr. Boss Myrthong bad Dr. Dlas Rani, saw ngut ki dawai kynbat kum u Dr. J.P. Lyngdoh bad Dr Sparstarlin Nongrem, kynthup ruh ïa ki saw ngut ki ‘riew shemphang na ka imlang sahlang, kum u Dr. P.S. Nianglang, Dr. Fabian Lyngdoh, Kitboklang Nongphlang bad R.S. Wanniang.
