SHILLONG:
Ka Khasi Hills Autonomous District Council (KHADC), ha ka 24 tarik Jylliew ka la pdiang ïa ka Resolution, ban pyrshah ïa ka jingthmu ban pyntreikam ïa ka Uniform Civil Code (UCC) hapoh ki jaka ki ba hap hapoh ha ka Council ïa kane ki la pdiang ha ka dorbar lyïur.
Haba kren ha ka dorbar u, Chief Executive Member (CEM) u Pyniaid Sing Syiem, u la ong ba kane ka jingïatai badonkam ban pyrshah ïa ka jingthmu ka sorkar India ban pyntreikam ïa ka UCC ka long ban ïada ïa ka jinglong kyrpang jong ki ritpaid ki ban shah ktah lada treikam ka UCC.
“Ngi wanrah ïa kane Resolution ka long ban namar ba ka jaitbynriew ka ba kyrpang namar ngi long ki ba riewspah ha ka riti dutur, la ka dei ha ka jinglong trai ha ka khyndew ka shyiap, ka jingshynshar khaddar ka ba la shynshar da ki syiem, ki Hima, ki Raid , bad kiwei kiwei, ha ka longkur longjait, halor ka jingshim jait na ka kmie, halor ka ktien ka thylliej, halor ka jingpyndonkam ïa ki dak thoh Khasi bad kiwei kiwei”u la ong.
U la bynrap bad ba ka jingpyntreikam ïa ka UCC ha ka Ri baroh kawei kan pynduh noh ia ka jinglong kyrpang jong ka jaitbynriew Khasi, kan pynduh bor ïa ka District Council bad kumta na ka liang ka District Council kan pyrshah jur kum, ka ïing ïa kane ka jingthmu”.
U bah Syiem, u la pyntip ruh ba ka executive commit-tee kan bud dien ïa ka ka mat bad ka sorkar India , bad ryngkat ka National Law Commission, ban shim ïa ka jingpeitbnaih bad ka jingai jingmut bad kumjuh na ki briew ba don bynta lang halor ka UCC.
