SHILLONG:
U Additional Deputy Commissioner jong ka West Jaintia Hills, u Bah D.V. Lyngdoh ha ka jingïadon lang u Director ka jong ka Mihmyntdu Community Social Welfare Association, u Dr. JN Shullai, District Social Welfare Officer, u Ripaya Passah bad kiwei, u la plie ïa ka jaka ïa kynduh lang Drop In Centre jong ka Mihmyntdu Community Social Welfare Association kaba don ha Faith Academy Campus ha Moosalyngkat Salaroh, Jowai.
Kane ka Drop In Centre ka long kham kyrpang na ka bynta ki nongshong shnong kiba la rangbah, ha kaba ki lah ban ïakynduh lang bad pynlut ïa ka por jong ki ha ki jingïalehkai, ha ka dro jingdro, ka rwai ka siaw bad kiwei ki jingpynbyrngia ki ban pynkmen pynsngewbha ïa kito kiba la noh ka rta.
