MAWKYRWAT:
Ki riew ngeit jong ka Balang Catholic jong ka Sawsymper Parish ha ka 19 tarik ka sngi u Blei kala ïoh ban pynlong ïa ka Proseshon ha kaba ha kane ka sngi la ïoh ruh ban plie ïa ka ïing Skul St. Ferrendo Higher Secondary School Sawsymper ha ka mang tyngka kaba T.1 klur duna ïa ka Podium VIP T. 20 lak ïa ka Bishop Victor’s Road T. 95 lak bad ïa ka Land Mark T.5 lak tyngka ïa kine ki saw tylli ki bynta ka ïoh ban wan plie da u Bah Charles Pangrope MLA ka Nongthymmai bad u Bah Olland Singh Suin MLA ka Mawsynram Constituency la ïoh ruh ka jing kyrkhu pynkyntang da u Bishop Wilbert Marwein bad u Most Rev. Lyngdoh D.D.
U Most Rev Vicctor Lyngdoh haba ai jing kren ha kane ka sngi u Blei u la ai ka burom ïa u Blei trai kynrad kumjuh ruh ïa u Conrad K. Sangma Myntri rangbah jong ka jylla Meghalaya bad ïa u Bah Charles Pangrapoe MLA ka Nongthymai Constituency bad ïa u bah Ollansingh Suin MLA ka Mawsynram Constituency bad ïa ki ophisar sorkar ba dei lyngba jong ki ba ki la ïoh ban plie ïa kine ki 4 tylli ki jingtei hapoh jong kane ka Sawsymper Parish.
Haba kren shaphang ka sngi kyrpang jong ka sngi U Blei u la shim na ki dhot jong ka Bible da kaba pynkynmaw ïa ki khun khristan ba ka sngi u Blei ka dei ka sngi kaba khuid bad ka sngi kaba kyntang ba ki paid riewngeit kim dei ban kheiñ dew thala da kaba pynlut ïa ka por bad ka pyrthei. Ka sngi u Blei kam dei ka sngi ba ngin leit saitjaiñ sha lum sha wah ne leit sait kali sha surok ne pynlut ïa ka por ha ki rymphong jong ka pyrthei, ka sngi u Blei ka dei ka sngi ban ai nguh ban ai ka burom sha u Blei da kaba leit ha ki ïing kyntang ne ha ki ïing mane Blei.
Shuh shuh u la kren shaphang ki sap ki phong ba u Blei u la ai ha manla u briew shibun ki briew ki la roi bad kiew ka spah ka kamai kajih ha ka spah ka phew da ka jing pyndonkam hok ïa kaba u Blei u la bynta ha ki .Namar kata u la kyntu ïa kito ki briew ki bym pat leh ïa kane leh noh mynta ngim dei ban ai lad ïa ki jingjaipdeh jingjaituh bad ka jingsarong kiba don hapoh ka mysiem jong ki hynrei pynroi ïa ka jingngeit ha u Blei bad un sa siew kylliang ïa ngi katkum ka sap bad ki jingleh ba ngi don. Ngim dei ban khñium ne aidaw ïa u Blei wat ïa kaei kaba ngi don yn sa shimnoh.
Ha kane ka sngi la sakhi lang da ki hajar ki paid riewngeit jong ka Balang Catholic na ka Sawsymper Parish bad na kiwei de ki balang na ka liang ka Balang Catholic Sawsymper Parish ki la ïoh ruh ban ai sngewbha da ki Blang ïa u MLA ka Mawsynram, u Bah Ollan Singh Suin, u Bah Charles Pangrope MLA ka Nongthymma, ïa u Bishop Wilbert Marwein Nongstoin Dioses, ïa u Most Rev.Lyngdoh D.D ha ryngkat ki Momento kum ka dak ka jingsngewnguh bad ka burom ïa ki jingleh bha ka jong ki ïa ka Balang bad ia ka Sawsymper Parish.
