SHILLONG
Ka seng saiñ hima sima United Democratic Party (UDP) bad ka Hill State People’s Democratic Party (HSPDP) ki la pynim biang ia ka Regional Democratic Alliance (RDA) kumno ban pynkhreh lang ban sei ia u kyrtong MP na ka bynta ka jingjied ia u nongmihkhmat jong ka Iing Dorbar Thaw Aiñ Lok Sabha-2024. Na ka liang jong ka RDA ka angnud ban pynieng ia u kyrtong baiamon lang na ka bynta ka Shillong Parliamentary Assembly. Ha ka kynhun jong ka Regional Democratic Alliance, u Bah Metbah Lyngdoh un bat kum u Shongknor bad u President ka HSPDP, u Bah K.P. Pangiang un bat kum Secretary. U Bah Metbah Lyngdoh ula ïathuh ba kine ki artylli ki seng saiñ hima sima ki la dep mynjur ia ka jingseng ia ka RDA naduh ka 30 tarik u Jymmang, hadien ba la dep pyllong iaka jingjied ia ki nongmihkhat sha ka ïing Dorbar Thaw Aiñ ka Meghalaya, 2023.
