MAWKYRWAT:
Ka Khasi Students Union (KSU) Ranikor Circle hynnin ka 18 tarik Naiwieng 2023 ki la ïoh ban pynhap pyrda noh ïa ka jingialehkai Kynjatbol kaba la tip kum ka 2nd Wicklif Syiem Memorial Football Tournament 2023, ba la pynïaid da ka KSU Ranikor Circle lem bad ka KSU Nongnah Unit pynlong ha Madan Mawkyndeng Nongnah South West Khasi Hills District ha kaba ka Nongnah Nongkdait SC bad ka Thiepdingan SC ki la poi sha ka Final bad ha kane ka jingïakhun Final ka Nongnah Nongkdait SC ka la long ka lah duh da kaba ka la lah ban pynliem noh ïa ka Thiepdingan da shikol.
Ha kane ka sngi la sakhi lang ruh da u Assistant Education KSU sengkmie u samla Shalkitbok Kharbani, u Samla Poljohn Organising Secretary jong ka SWKHD, u samla Marcony Thongni u President ka Ranikor Circle, ki myntri shnnong lem bad kiwei kiwei ki riew rangbah.
Ha kane sngi ka la don ruh ka jingpynkup burom ïa ki samla jong ka dong ka thaiñ ki ba dei na ka shnong Nongnah bad u wei na ka shnong Keniong kiba la wan rah nam bad burom ïa ka shnong bad ïa ka district kum juh ruh ïa ka jylla kiba la ieit ban ïa shim bynta ha ki jinglehkai sport bapher bapher kynthup ïa ka samla Greatmercy Langte kaba la jop ïa ka jingïakop Spark Mrs Northeast India 2023 ba dang pynlong shen ha Guwahati, kaba la jop ïa ka Mrs Northeast India Brand Ambassador.