MAWKYRWAT:
Ka ophis jong ka District Mission Coordinator, SSA ,South West Khasi Hills District mynta ka sngi ka 12 tarik u Jylliew 2023 kala ïoh ban pynlong ïa ka Jan Bhagidari Events & Activities ha Maharam Government Higher Secondary School, Mawkyrwat.
Ka thong jong ka Jan Bhagidari Events ka long kum shi bynta ban pynshlur ïa ki khynnah skul ba kin ïoh ban sei bad pynpaw ïa ki sap ki phong jong ki, bad ruh ki nonghikai ki ba long kum ki nongïarap ban ai mynsiem shuh shuh ïa ki khynnah skul.
Ha kane ka Jan Bhagidari Events la ïoh ban pynlong ïa ka jingïathuh khana lyngkot kiba kit jingmut na ki nonghikai bad ruh naki khynnah skul bad ha kajuh ka por ki la pynlong ruh ka jingïakop naka bynta ka Teaching Learning Material (TLM) Exhibition bad naka bynta ka Arts and Crafts Competition ha kaba ki don haduh 14 tylli ki skul kiba la wan ban ïa shim bynta ha kane ka sngi.
Ha kane ka sngi la wan ban long kongsan da u Bah T.lyngwa DC jong ka SWKHD ha ryngkat ka jingïadonlang ka DSEO kong S.Kharsahnoh bad ka kong A. Dkhar Functional Manager DCIC , ki Nonghikai bad ki khynnah skul bapher bapher ki ba la ïoh ban wan ïa shim bynta ha kane ka sngi bad la ïohsngew ruh ïa ki kyntien khublei na u Bah Staising Khartbteng ba dei u Sub-Inspector of Schools Southwest KhasiHills District.
Ki skul kiba la ïoh ïa ka nam jop ha kane ka sngi naka bynta ka TLM Exhibition ki long ha ka kyrdan ba nyngkong la ïoh daka Mawkyrwat Presbyterian Secondary School katba ha ka kyrdan ba-ar pat la ïoh da ka St.Thomas RCUPS
Katba ki skul ki ba la ïoh ïaka nam jop na ka bynta ka Arts and Crafts Competition pat ki long ha ka kyrdan ba nyngkong la ïoh da ka Christian Principle Aacademy Secondary School , nangta ha ka kyrdan ba-ar la ïoh daka Rodphod UPS bad ha ka kyrdan ba lai pat la ïoh da ka Maharam Government Higher Secondary School Mawkyrwat.