SHILLONG:
Ka ophis jong ka District Tuberculosis Officer, Ri-Bhoi District ha ka jingïatrelang bad ka Piramal Foundation, ki la pyllong ïa ka jingpynshai paidbah ïa ki nongai dawai kynbat jong ka Umling Block kiba dei dkhot jong ka Ri-Bhoi Ri Bhoi Traditional Healers Association, ha Conference Hall, office of the Block Development Officer, Umling.
Ha kane ka jingai jingpynshai la wan wan ban ïashim bynta haduh 34 ngut ki nongai dawa kynbat kiba najan shnong jong ka Umling Block.
Ki nongpynshai ha kane ka sngi kynthup u District TB Officer ka Ri Bhoi District ka Dr. E. Kalwing, bad u CPM jong ka DISHA, u Bah J. Pohtam.
Ka Dr. Kalwing u la batai halor ka jingpang Tuberculosis, kumno ka thymmei ka jingpang TB ka wan, kiei kaba pyllong ïa kane ka jingpang, kiei ki dak ki shin, kiei ki jingsumar bad khamtam ka thong jong ka Ri India ka dang ïaleh ban pynduh jait ïa kane ka jingpang ha u snem 2025.
U la kyntu ïa ki nongai dawai kynbat ban ïarap ïa ki ha kane ka prokram jong ka Case Finding (ACF), ban phah lada lap ïa kino kino kiba ïoh ïa kane ka jingpang sha ki jaka test jong ka sorkar, ban ai jingkyrshan ïa kiba pang TB ha ki dong ki shnong ban ïoh ka jingsumar kaba biang. Ka la ong ba da kane ka jingleh kan ïarap ruh ïa ki paidbah ban ïoh ka jingtip halor kane ka jingpang, ban wad ki jingkoit jingkhiah bad ka lah ban ïada ïanga na ka jingpur kane ka jingpang bad ka lah ban pynduna bad ban pyllait na ka jingïapher pyrshah ïa kiba pang TB hpaoh shnong hapoh thaw.
U J. Pohtam, u la batai halor ka jingpang HIV/AIDS, kumno ki ïoh bad kumno yn ïada khamtam ïa kito kiba ïoh ïa kane ka jingpang ba ïabit da ki kynja virus. U la kren ruh halor ka ain kaba ïada ïa ki briew kiba ïoh ïa kane ka jingpang khamtam ba kan nym don kata ka jingsngewpher ïa kiba ïoh ïa kane ka jingpang HIV AIDS.
U State Program Coordinator of Piramal Foundation, u Bah A. Syiemiong u la buh ka jingkyrpad ïa ki nongïashim bynta ban peit ïa ki briew kiba don ïa ki dak ki shin jong ka jingpang TB namar kiba bun kiba ïoh ïa ka HIV positive ki don ka jingïadei bad lah ban pynïoh ïa ki nongpang TB kumta donkam ban phah ïa ki ban leit leh ïa ki test. U la pyntip ba ki don bun kyndon ban buddien namar kine nongpang HIV ki lah ban pynpur ïa kane ka jingpang sha kiba ieid ba thoin jong ki. U la bynrap ba ki don kiba wan sha ki nongai dawai khasi na ka bynta ka jingsumar namar kim treh ban leit sha ki jaka ai jingsumar. Kumta u la kyrpad ïa baroh ban ïasnohkti lang ban peit bha ïa kane khnang ba kane ai ka jingïada ïa ki bad ruh kin lah ban ïada ïalade.
