SHILLONG:
Hadien ba mih ka jingkynthoh halor ka jingleh torti ki doctor ka Ganesh Das Hospital ka ba la wanrah ïa ka jingkhlad noh jong iwei i khyllung ba dang shukha, na ka liang ki nongpynïaid kane ka hospital ki la pynmih ïa ka jingpynshai da ka ba kdew ba kane ka longkmie la ai jingmut ban shu puid hynrei ka pyrshang ban shu kha hi ha iing bad haba kam lah ban kha la wanrah ïa ka sha Ganesh Das Hospital.
Ki doctor ki ba sumar ïa ka ki la lap ba ka lah don lypa ka jingkad ka doh, bad ki la hap ban pynheh ïa ka lynti kha ynda ki la dep ban sumar ïa kine ki dak ki ba la don lupa ha ka, ki doctor ba don ha ka kam ki la pyntip ïa ki ba wan ap, ba i khunlung i don hapdeng ka jingshitom bad ïa ka ne na ka liang ki Doctor ki la dep ban pyntip lyngba ka phone, hynrei ymdon ba wan mih sha hospital tad haduh mynstep.
Ha ka juh ka por kane ka longkmie ka la shitom na ka hematoma (ka jingsieb ryngkat ka jinglang ka snam tylli), na kane ka jaka kaba pyni ba ka don ka jingmihsnam shapoh ka jaka ba mynsaw. Kumta ki doktor ki la pyrshang ban sumar ïa ka bynta ba mih snam dei hangtei ba kheiñ u thyrnia.
Ïa i khunlung la buh ha ka jaka sumar jong ka SNCU (Special Newborn Care Unit) hapoh Ganesh Das Hospital, hynrei la i donkam ka jingsumar kaba kham bha ha Care NICU (Neonatal Intensive Care Unit).
Lah ban kdew hangne ba ka longkmie Paltima Rani, ka la la kha ïa ine i khunlung ha ka 1 tarik jymmang bad ka la don ka jingkynnoh ba ka la don ka jingsahkut thyrnia hapoh kane ka longkmie na kadaw ka jingleh torti jong ka Ganesh Das Hospital, Lawmali.
La pynkynriah noh ïa kane ka longkmie jong ine i khyllung sha NEIGRIHMS hospital bad la ïoh ban sei ïa u thyrnia hapoh kane ka longkmie bad I dang don hapdeng ka jingsumar.
U Kynjatshai u la ïoh ban ïakren bad u Consultant Paediatrics ka Nazareth Hospital u Dr. P. Paul u la ïathuh ba ïa ine I khunlung la wallam ha ka 2 tarik u Jymmang, 2023 ha kaba I la don hapdeng ka jingshitom kaba jur. Une u Doktor u la ïathuh ruh ba la ïoh ban sumar tang kumba 10 kynta bad na ka liang jong ki, ki la leh katba lah hynrei na kadaw ka jingshitom kaba jur kim lah leh ei ei shuh.
Haba kylli na kaei kadaw ba ine I khunlung I khlad, une u Doktor u la ong ba kadaw jong ka jingkhlad ine I khunlung I la don jingshitom lypa.
“Ha ka por ba wallam ïa ine I khunlung I la don lypa ka jingshitom kaba jur na ka liang jong ngi, ngi la pyrshang katba lah hynrei ngim lah ei ei”, la ong u Dr. Paul.
Katkum ka jingkynnoh ba kadei ka jingleh torti ka Ganesh Das Hospital ka poi haduh ka jingshitom jur ine i khunlung.
