JOWAI:
Ka District Sessions Court, West Jaiñtia Hills, Jowai ha ka 19 tarik Risaw, ka la rai ban set along ïa u Donbor Syngkli da kaba tyngeh (Rigorous Imprisonment), kata haduh 15 snem kynthih, ryngkat ka kuna kaba 50 hajar tyngka.
Kane ka long hadien ba la shong ban bishar ïa ka jingujor kaba la ïoh ha ka 6 tarik Naiwieng 2007; kaba la kdew pyrshah ïa u Donbor Syngkli ba u la donkti ban leh beijot ïa kawei ka khynnah rit kaba dang 9 snem ka rta, ha ka 20 tarik Naiwieng, 2007.
Hadien ba la ïoh ïa ka jingujor, la register ïa ka ehjahar katkum ka Jowai PS Case No. 137 (11) 2007 U/S 376/506 IPC bad ïa kane ka mokotduma la tohkit da ka WPSI O. Tyngkan; ha kaba la thoh ruh ïa ka ‘Charge Sheet’ halor kane ka jingujor katkum ka kyndon aiñ 376/506 IPC.
