SHILLONG:
Ka jingpynjari kyndon ka bor District ka Ri-Bhoi kam shym la treikam satia namar ba ki trok ryngkat ki jingkit khia ki la ïaid sahuh ha jynkieng Dwarksuid wat hapdeng ka jingsynjor. Ïa ki trok la pyllait ha ka por mynmiet katba mynsngi ym shym la shah satia ban ïaid.
Haba pyntip ïa kane, u MDC barim ka Umroi u Bah Albinus Lyngdoh u la ong ba mynta ka janmiet ki kali paidbah kila sahkut lut khaid namar ba la ailed ban ïaid ki trok ha jynkieng Dwarksuid haduh ba la wanrah ka jingsyllang na ka jingsahkut kali.
U Bah Albinus u la buh jingkylli, “Balei ka ain ka treikam tang mynsngi katba mynmiet pat kam treikam”.
U la ong ba kane ka jingpyllait ïa ki trok ban ïaid sahuh ha ka por mynmiet, ka la buh jingeh ïa ki paidbah kiba leit ba wan. Lah ban kdew ba ha ka hukum u DC ka Ri-Bhoi u la shah ban ïaid ki kali ba kit hapoh 30 ton na jynkieng Dwarksuid hadien ba ka la mih khubor ba kane ka jynkieng ka la don hapdeng ka jingsynjor.
