SHILLONG:
Ha ka sngi kaba ar jong ka taïew ba la pynlong ïa ka Chief Minister Startup bad Corporate Social Responsibility (CSR) jong ka PRIME kata ha ka 15 tarik Naiwieng, la don ka jingai jinghikai kaba khot ka CSR, ka sengkam sengjam (Entrepreneurship) bad ka jingïalang (Sustainability Conference) ba kin seng kam lajong bad ban sngewthuh ïa ki aiñ, ki kyndon bad ki rukom jong ka CSR.
Shuh shuh kane kan ai jing ïarap shibun eh ïaki briew kiba don bynta ha ka seng kam seng jam lajong ban lah ban ïaid ryngkat ki jingthmu bad ki kyndon sengkam sengjam jong ka jylla.
Ha kane ka workshop, ki nongsengkam sengjam lajong bad kiwei kiwei ki kynhun shimet ki la shah hikai ban pynmlien ïalade kumno ban sdang seng kam da ki rukom ba biang lyngba ka jingbei tyngka da ka CSR. Ha kane ka prokram la wan ban ïa don bynta lang ka St Anthony’s College bad ki nongtrei na Reliance.
Ki nongai jingkren ha kane ka sngi kin long u Nikhil Pant u ba dei u Chief Executive Officer, u nongshem jong ka Research bad Extension Association for Conservation Horticulture and Agro-forestry (REACHA) bad ka kompeni Lakshyaa, ba dei u Chief Programme Executive barim jong ka NFCSR, IICA, Ministry of Corporate Affairs, Govt of India.
