SHILLONG
U President jong ka seng sain hima sima United Democratic Party (UDP), u Bah Metbah Lyngdoh u la iathuh ba ka seng ka la sdang ban pdiang ia ki kyrteng jong ki kyrtong kiba kwah ban iakhun na ka bynta ka jingshah jied ia u dkhot jong ka Iind Dorbar Thaw Ain Lok Sabha.
Haba kren ha ki nongthoh kot khubor mynta ka sngi, u Bah Metbah Lyngdoh u la ong ba ia mynta um ym pat lah ban iathuh ia ki kyrteng jong ki kyrtong bad un sa pyntip pat ia ki nongthoh kot khubor bad lad pathai khubor hadien ba ka seng ka la ioh ban shong pyrkhat. Ki tyllong khubor ki iathuh ba la don saw ngut kiba la ai kyrteng na ka seng UDP bad arngut pat kiwei pat ki dei kiba ym dei na ka seng UND. Kine kiba ym dei na ka seng UDP ki long u jong ka President ka Khasi Authors Society, u Dr. DRL Nonglait bad u President bamynshuwa jong ka HYC u Bah Robertjune Kharjahrin.
Ki dkhot ka UDP kiba kwah ban iakhun na ka bynta ka MP ki long u Myntri ka Sorkar jylla, u Bah Paul Lyngdoh, u General Secretary ka UDP bad MLA bamynshuwa, u Bah Jemino Mawthoh, u Vice President ka UDP bad MLA bamynshuwa, u P.T Sawkmie and u Chief Executive Member bamynshua jong ka Khasi Hills Autonomous District Council bad u Bah Titosstarwell Chyne.
