Ka seng sain hima sima Hill State People Democratic Party kaba la rim duh ha Meghalaya, ka la shim ia ka rai ban pynkhlain bad pyniar ia ka jngtrei kam jong kane ka seng, ym tang ha Khasi Hills.
Hynrei, ha Jaintia Hills ru kum juh. Ha kaba dei bad kane, ka HSPDP ka la pynlong ia ka jngialang ha Orchid, Thadlaskein ha West Jaintia Hills District, la jied ia u Bah Wanshwa Nongtdu kum u President bad ia u Bah One Way Talang kum u General Secretary jong ka HSPDP jong ka Jaintia Hills.
U President jong ka HSPDP ha Meghalaya, u Bah K.P. Pangniang u la iathuh ba ia kane ka seng sain hima sima la seng ha ka snem 1968, shuwa ba ka jylla Meghalaya kan ioh la ka jong ka jylla bapura. U Bah Pangniang u la iathuh ba kane ka seng ka dei ba peit ia ka bha ka miat jong ki riew lum.
