SHILLONG:
Uwei u nongkhaïi drok uba la don dak sniew mynshuwa u la shah kem noh ha ka 4 tarik, Naiwieng, katba u dang pyrshang ban die drok hajan Police Point Laitumkhrah. Katba ki paidbah kiba la suba sniew ïa utei u nongkhaïi drok, ki la ujor ïa katei ka jingjia sha ka thanad jong ka Laitumkhrah, kaba lam sha ka jingleit kem mardor ïa u da ka Anti-Narcotics Task Force (ANTF). Yn tohkit bad pynshitom ïa u da ka ANTF kaba la ïoh kurup ïa ki kynja jingdih pynbuaid, kynthup ïa ki shiphew tylli ki drok Heroin, ba khia haduh 10.97 gram, kawei ka plastik ba rong ïong ba don 35 tylli ki tyndong drok ba la thylli, kawei ka mobile phone bad ka pisa ba haduh T. 6,310.
