SHILLONG:
Ki pulit ka Laitumkhrah Police Station ki la pynngat ha ka kyndon jong ka Protection of Children from Sexual Offences (PoCSO) ïa ki lai ngut ki samla shynrang ki la shah kynnoh donkti ban thombor ïa kawei ka khynnah samla ka ba dang hapoh ka 18 snem ka rta ha kawei ka thain ha Sor Shillong.
Ki pulit ki la kem noh ïa kine laingut ki briew kiba la shah kynnoh thombor kawei ka khynnah kynthei ha khlaw Risa Colony.napdeng kine lai ngut 2 ngut la ïoh ban kem ha ka 7 tarik na Khlieh shnong Malki kat ba ïawei la ïoh ban kem ha ka 8 tarik na Malki.
Mynta ka sngi ki pulit ki la rah ïa kine lai ngut sha Civil Hospital na ka bynta ban leh ïa ka medical check up bad ïalam ruh sha ingbishar na ka bynta ban tian bishar bad pan ïa ka police custody.
Lah ban kdew hangne ba u Superintendent of Police u bah Sylvester Nongtnger u la ïathuh ba hadien ka jingïoh khubor na u Secretary ka Shnong ha sor shillong , ba ha ka 3 tarik Jylliew, ba don ki briew kiba la thombor ïa kawei ka samla kynthei, ki Pulit ki la leit sha katei ka jaka.
Ha kane ka jaka ki pulit ki la shem ba kawei ka khynnah kynthei bad uwei u samla shynrang , ki la shah thombor ha ki lai ngut ki samla shynrang kat ba ki dang ïaid kai sha katei ka khlaw.
La ïathuh ba kine ki briew kila byrngem byrsit ïa ki,bad dawa ruh ba ki dei ban siew ïa ka kuna, arngut na kine ki runar kila shoh ïa u samla shynrang katba uwei pat u la don bad kane ka khynnah kynthei.
La ïathuh ruh ba une u samla shynrang u la kyrpad ban shah ïa kane ka khynnah kynthei ba kan leit noh bad ba u kloi ban leh ïa kaei kaba ki dawa hynrei la pynbor ïa baroh arngut ba kin law lut ïa ki jain ki nep ba ki phong.
Une u heh Pulit u ïathuh shuh shuh “kine ki runar kila lute lut ïa baroh ki jingdon jingem jong ki, bad ha ka por ba kine ki arngut kila shoh la dat ïa une u samla, une u samla ula lait phet sha shnong bad ula pyntip ïa ki nongshongshnong ba kin ai jingïarap”.
U ne u heh pulit u la pyntip ruh ba kine ki lai ngut ki runar ki la leh khlem leh khlem akor ruh ïa kane ka khynnah kynthei.
