RI-BHOI:
Ka Hynñiewtrep Youth Counci (HYC), Ri-Bhoi Sepngi mynta ka sngi ka la pynkup burom ïa uwei na ki rang ïalehkai phutbol jong ka Ri-Bhoi uba la don bynta ha ka ban leit ïashim bynta ha ka 5th Meghalaya Games kaba dang shu dep long shen ha Tura ha kaba ki rangïalehkai phutbol na Ri-Bhoi kiba la wanrah ïa ka nam lah duh ha kane ka lympung.
Ïa une u samla ba la tip kyrteng kum u Stephan Ranee la pynkup burom ïa u da ka HYC hapoh ka ïingdorbar jong ka Patharkhmah ha kaba la pynkup burom ïa une u samla da u Vice President ka Ri-Bhoi District u Bah RC. Thangkhiew ha ryngkat ka jingïadon lang da u Sordar shnong u Petalman Thangkhiew, u Secretery ka shnong Patharkhmah u Bah Sintalis Sankli bad u President ka Patharkhmah Youth Club u Remington Syngkli.
Na ka liang ka seng ka la pynpaw ka jingsngew sarong ban don kum kine ki samla don sap kiba ju wanrah nam ïa ka shnong ka thaw bad ïa ka District bad ka la kitbok kit rwiang ruh ïa une u samla ba un dang kiew shaphrang bad ïai paw ha ka kam ïalehkai phutbol ka jong u, na ka liang ka seng HYC Ri-Bhoi Sepngi ka la ai khublei kyrpang ïa ka RBDSA bad ïa u President u RB Shadap kiba la ailad ïa une u samla ban mih khmat na Ri-Bhoi District ha ka Meghalaya Games kaba san bad na ka liang ka seng ka la ai khublei ruh ïa ki coach bad ki nongtrei (staff) jong ka RBDSA bad kyrmen ba shakhmat ruh kin dang ïoh sei shuh ki khlur ïalehkai ki ban wanrah nam burom ïa ka Ri-Bhoi District.
