NONGSTOIÑ:
Ka ïing bishar u Special Judge (POCSO), West Khasi Hills District, Nongstoiñ, ha ka 18 tarik u Ïaïong kala rai pynrem ïa u wei u runar u bala tip kyrteng kum u Blansius Nongsiej da kaba rai set phatok shi jingim ha ryngkat ka kuna kaba u hap ban siew 50 hajar tyngka.
Kane ka jingrai pynrem jong ka ïing bishar ïa u tei u runar kadei ruh hadien ba ka ïing bishar kala lap ba u dei u ba don kti ban pynïap ïa kawei ka khynnah kaba dang rit ka rta na ka shnong ha West Khasi Hills kaba la jia ruh ha ka 31 tarik u Lber 2019.
Shuh shuh ka ïing bishar u Special Judge (POCSO), kala pynngat ruh ïa u tei u runar ha ki kyndon aiñ ba kynthup ha ka kyndon 302 IPC bad kumjuh ha ka kyndon kaba 6 jong ka POCSO Act ha kaba u tei u runar u hap ruh ban siew biang ia ka kuna kaba 20 hajar tyngka.
Ïa katei ka jingjia la ujor ha thanad Nongstoiñ ha kaba ki pulit kila register ruh ïa ka case katkum ka Case Number 33 (04)2019 Under Section 302 IPC r/w Section 5(i)(l)(m)/6of POCSO Act bad da ka jingtrei shitom ki pulit kila lah ban kem noh ïa u tei u runar hadien bala ujor.
Na ka liang jong ka ïing bishar ha ka 18 tarik kala lah syndon ban rai pynrem ïa u tei u runar bad pynsaja ruh ïa u da kaba tyngeh bad la lah ruh ban pynïoh ïa ka jingbishar kaba hok ïa ka lanot.
