NONGSTOIÑ:
Ka jngther jong u lapbah kaba la neh ruh da ki kynta ha ka step jong ka 17 tarik Jylliew, ka la wanrah ïa ka jingshlei um kaba jur ha kiba bun ki bynta jong ka sor Nongstoiñ.
Ka jingjur jong u slap ka la pynshlei ruh ïa ka Wah Nonbah bad Wah Nondeiñ ha kaba kiba bun ki ïing briew kiba don harud jong kitei ki Wah hapoh ka shnong New Nongstoiñ ki la dap um bad kumjuh ruh ha ki katto katne ki bynta jong ka shnong Tiehsaw.
Ka la don ruh ka jingtwa khyndew ha kiba bun ki bynta jong ka West Khasi Hills District bad ka jingshah tap um ki surok kaba la ktah ruh ïa ka leit ka wan jong ki paidbah.
