NONGSTOIÑ:
Ka Federation of Khasi Jaiñtia and Garo People (FKJGP) West Khasi Hills District, ha ka 27 tarik Lber ka la pynpaw ïa ka jingsngewdiaw halor ka jubab jong u Bah Shakliar Warjri, Myntri ka kam ïalehkai, halor ka jingkylli kaba la wanrah da u Bah Gabriel Wahlang, MLA ka Nongstoiñ, ha kaba ïadei bad ka jingpynïoh madan Artificial Turf ha West Khasi Hills.
Haba ïakren sha ki lad pathai khubor ha kane ka sngi, u Bah Anthony Umiong Sport Secretary ka FKJGP, u la ong ba kaba la pyndiaw ïa ka seng kadei halor ka jingjubab u Myntri sorkar ba dei peit ïa ka kam ïalehkai ha kaba u la kren shai da kaba ong ba ka jngai bah ïa ka West Khasi ban ïakren ïa ka madan artificial turf.
Shuh shuh u la ong ruh ba ka Seng ka dawa na ka sorkar ba kadei ban shim khia ban phai khmat lem na ka bynta ka WKHD namar ba ha ka Headquarter jong ka District kaba dei ha Nongstoiñ kadon ar tylli ki madan football kawei ka madan NDSA ha Nongpyndeng bad kawei pat ka Nongpathar Stadium ha Pyndengrei bad baroh ar tylli kitei ki madan ki long kiba lah bit lah biang pura ban ïoh ïa u artificial turf hynrei balei u Myntri sorkar u ong ka jngai bah ban ïoh artificial turf.
