MAWKYRWAT:
Ki paidbah nongpyndonkam ïa ka network ki la ud la nam na ka daw ka jingbymbiang ki rukom trei kam ki Telecom Tower kum u Tower Jio, Airtel, Cellone, ha ka thaiñ Mawkyrwat ha kaba ynda la dei ka por lip light ne wat ha ka por ba don ka light ruh bunsien kam don network, kumta kum ki paidbah kiba ju pyndonkam lyngba ki Internet kala pynduhnong shibun namar ba ha kum kane ka juk mynta ki briew ki ju shaniah lyngba ka Internet ban kamai ka jih ha kiba bun ki bynta kane ka jingthud ka network kala wan rah shibun ki jingduhnong ïa ki paidbah kiba pyndonkam ïa ka.
Shuh shuh kane ka jingduh khah khah ka network ym don jingtip na ka ei ka daw hynrei ki paidbah ki la kyntu ïa ki company network, “Sngewbha ban pynbiang ïa ki network ha ka por duh light ne wat ha ka por ba don light khnang ba kin ym duh ïa ki kam ki jam ki jong ki, ym tang katta ba kan ym duh ei ka pisa ba ngi la dep ban thep ne Recharge ha ki mobile phun”.
