SHILLONG:
U Myntri Rangbah ka jylla, u Conrad K Sangma, ha ka 6 tarik Jymmang u la ong ba 100 ngut ki nongshong shnong na Meghalaya ki la wanphai na Manipur bad kumba 40-50 ngut kiwei pat kin sa wanpoi mynta ka sngi.
Haba kren sha ki lad pathai khubor, U Sangma u la ong ba ki briew na Meghalaya ki dei kiwei na kiba kham bun paid ha Manipur, bad ba bun ki samla pule na Meghalaya ki leit pule hangto.
“Kumta ka shim por ban wallam ïa baroh, ngi la lah ban pynthikna ki jaka shong ïa jan baroh lait noh kumba 5 lane 10 ngut ki briew, bad ha ki 48 haduh 72 kynta ban wan, ngin lah ban wallam noh ïa ki ruh,” la ong u Sangma.
